Ukusyz gije

Gije maňa uky alyp gelmändir,
Görülmedik düýşler gelýär aklyma.
Gyraw düşdi ýaş başyma eýýämden,
Öz-özümi günäleýän, hakly men.

Penjireden gelýän düşnüksiz sesler
Öýde maňa ýazylganlyk bermeýär.
Çagajyk aglaýar ýokarky gatda,
Ejesiniň hüwdüsini diňlemän.

Boşap galan ýaly ýüregim, ýadym,
Pikir ýumagyny çöşläp bilemok.
Kim saňa düşünýär, kim eşder dadyň?
Göwnümi hiç zada hoşlap bilemok.

Ähli zady unutmaga takadym
çatan güni özüm bolup galaryn.
...Diňşirgenýän, sesi gelýär sagadyň,
Hiç bolan dek uzakly gün aranym...
Gije maňa uky alyp gelmändir.

Parahat Mämmetnurow