A+ A- Reset

Synagly dünÿede, çäresiz wagtym,
Sabr ber, kalbymy dar etme, Allam.
Atadyr-Enedir, iñ uly bagtyñ,
Şolaryñ mährine zar etme Allam.

Durmuşda düşsemde oduñ ýalnyna,
Ÿagşy zatlar, ÿazylsyn bu alnyma.
Ömür baky şikes goÿup kalbyma,
Öz bagtymy, özgä ÿar etme Allam.

Başymdan sow, ÿolumdaky gapany,
Özüñ ÿalka, senden Medet tapany.
Haksyzlara, iÿdirme hiç hakymy,
Rysgymy joşup ber, hor etme Allam.

Tanaÿyn durmuşda duşman kellesin,
Atan okum, dostlaryma degmesin.
Görkez maña, ÿagşy-ÿaman hemmesin,
Diri wagtym, gözli kör etme Allam.

Adam çaga wagty owadan gülden,
Ÿyl geçip garrasa parhy ÿok külden.
Bir gün amanadym alsañam elden,
Gijinden ber, entek ir etme Allam.

Понравилось