A+ A- Reset

Peşgeş berlen bu gysgajyk ömürde,
Pes göwünli asylzada bolaÿyn.
Köpbilmişlik höküm süryän döwürde,
Men yönekey hemem sada bolaÿyn.

Yhlas bilen işläyin her bir işde,
Yeñilmäyin ykbalymdan söweşde.
Şu ÿalançy dünye diyen gurluşda,
Sözüm söz,wadamam wada bolaÿyn.

Daş düşmäyin wyždandan ynsabymdan,
Hudaÿ aÿyrmasyn päk imanymdan.
Özge kişiñ ÿolundan yöränimden,
Özbaşdak kiçiräk ÿoda bolaÿyn.

Baÿlygam elbetde erbet zat dälä,
Yöne nebse "gapyl"diyip bilyäne.
Aç göz bolup münenimden ak jibe,
Adam bolup men piyada bolaÿyn.

Bet ynsanlañ sakasynda saklanman,
Ÿykylanyñ gözÿaşyna şatlanman.
Ÿaşaÿyn dünyäde bolmaÿyn nadan,
Erbetlikden men zyÿada bolaÿyn.

Edenimi ölçäp biçip müñ gezek,
Dogry bolsun edenimde bir gezek.
Ÿagşylara yaran bolsun bu yürek,
Ÿamanlara kanun kada bolaÿyn..

Понравилось