A+ A- Reset

Kä mahal şeýle bir dymasym gelýär,
Içki duýgym bilen pikire siňip,
Gözlerimi ýumup oýa batyaryn,
Tutuş durkum bilen pikire çümüp.

Kä mahal şeýle bir dymasym gelýär,
Gaýgy-hasratlarmyň baryny kowup,
Ýaşaýşyň çuňlugyna siňesim gelýär,
Ýeke galyp, duýgularyma ýugurlyp.

Kä mahal şeýle bir dymasym gelýär,
Özümden özgäniň baryn unudyp,
Adamlaram asla islemeýärin,
Isleýän öz ýüregimde ýer edip.

Pikir deňzi bilen iki çäk galyp,
Şol deňze içim dökesim gelýär,
Pikirlermiň ýagşysyna ýugurlyp,
Ýananymy deňze dökesim gelýär .

Понравилось и ещё 1 чел.